“Library is a citadel of Knowledge;

                                      - Prof.  B. R. Ananthan

ಗ್ರಂಥಾಲಯ ಪರಿಕಲ್ಪನೆ :

ಶಿಕ್ಷಣದಲ್ಲಿ ಗ್ರಂಥಾಲಯವು ತನ್ನದೆ ಆದ ಮಹತ್ವವನ್ನು ಪಡೆದಿದೆ. ಮನುಷ್ಯನ ಬದುಕನ್ನು ಉಜ್ವಲಗೊಳಿಸುವ ಶಕ್ತಿ ಗ್ರಂಥಾಲಯಕ್ಕಿದೆ. ಗ್ರಂಥಾಲಯದ ಮುಖ್ಯ ಉದ್ದೇಶವೆಂದರೆ, ಎಲ್ಲ ಓದುಗರಿಗೆ ತ್ವರಿತ ಮತ್ತು ಉತ್ತಮ ಗುಣಮಟ್ಟದ ಸೇವೆಯನ್ನು ಕೊಡುವುದು ಹಾಗೂ ಮನುಷ್ಯನನ್ನು ವ್ಯಕ್ತಿಯಾಗಿ, ಶಕ್ತಿಯಾಗಿ ಬೆಳೆಯಲು ಮತ್ತು ಜ್ಞಾನವನ್ನು ಕಟ್ಟಿಕೊಳ್ಳುವುದರ ಜೊತೆಗೆ ಬದುಕಿನ ದಾರಿಗಳನ್ನು ಹುಡುಕಾಡಲು ಅವಕಾಶ ಕಲ್ಪಿಸಿ ಕೊಡುವುದಾಗಿದೆ. ಶಿಕ್ಷಣದ ಉದ್ದೇಶ ಇಡೇರಬೇಕಾದರೆ ಗ್ರಂಥಾಲಯದ ಅವಶ್ಯಕತೆ ತುಂಬಾ ಇದೆ.

ಗ್ರಂಥಾಲಯವು ಗುಣಾತ್ಮಕ ಶಿಕ್ಷಣದ ಹೃದಯಭಾಗವಿದ್ದಂತೆ. ಗ್ರಂಥಾಲಯವು ನಮ್ಮೆಲ್ಲ ಬಂಧಗಳನ್ನು ಕಿತ್ತೊಗೆದು ಪರಮ ಶಾಂತಿ, ಸುಖ, ಸೌಹಾರ್ದತೆಗಳನ್ನು ನೀಡುವ ಸಾಧನವೆಂದರೆ ತಪ್ಪಾಗಲಾರದು. ಗ್ರಂಥಾಲಯವು, ಪಠ್ಯವು ಕೊಡದೇ ಇರುವ ಅನೇಕ ಸವಲತ್ತುಗಳನ್ನು ಜೀವನಾನುಭವಗಳನ್ನು ತಿಳಿದುಕೊಳ್ಳಲು ಸಹಾಯ ಮಾಡುತ್ತದೆ. ಶಿಕ್ಷಣ ಮತ್ತು ಗ್ರಂಥಾಲಯಗಳÀ ಉದ್ದೇಶ ಒಂದೇ ಆಗಿದ್ದು, ಜ್ಞಾನ ಕೊಡುವ ದಾರಿಗಳು ಮಾತ್ರ ಬೇರೆ ಬೇರೆಯಾಗಿವೆ.

ಮಾಹಿತಿ ತಂತ್ರಜ್ಞಾನದ ಅನ್ವೇಷಣೆಯ ನಂತರದಲ್ಲಿ ಗ್ರಂಥಾಲಯಗಳು ಭೌತಿಕವಾಗಿ ಮತ್ತು ಗುಣಾತ್ಮಕವಾಗಿ ತನ್ನ ಪಾತ್ರವನ್ನು ಹಿರಿದನ್ನಾಗಿಸಿಕೊಂಡಿದೆ. ಹೊಸ ಆಯಾಮಗಳನ್ನು ಮೈಗೂಡಿಸಿಕೊಂಡು ವಿಶ್ವದ ಜ್ಞಾನ ಕ್ಷೇತ್ರಕ್ಕೆ ತಮ್ಮ ಮಹತ್ವದ ಕೊಡುಗೆಗಳನ್ನು ನೀಡುತ್ತಿವೆ. ಈ ನಿಟ್ಟಿನಲ್ಲಿ ವಿಶ್ವವಿದ್ಯಾಲಯದ ಹೃದಯದಂತಿರುವ ಗ್ರಂಥಾಲಯವು ಇಂದು ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಶೈಕ್ಷಣಿಕ ಅಸ್ಮಿತೆಯ ಸಾಕ್ಷಿ ಪ್ರಜ್ಞೆಯಾಗಿದೆ. ಅತ್ಯಾಧುನಿಕ ಪುಸ್ತಕಗಳು ಪಾರಂಪರಿಕ ಗ್ರಂಥಾವಳಿಗಳು, ಜ್ಞಾನದ ತಾರಾವಳಿಗಳು ಅಂತರ್ಜಾಲದ ಉಪಕ್ರಮಗಳನ್ನು ಹೀಗೆ ಸಕಲವನ್ನು ಮೈಗೂಡಿಸಿಕೊಂಡು ಜ್ಞಾನ ಜಿಜ್ಞಾಸುಗಳ ಪಾಲಿಗೆ ಜ್ಞಾನ ಕಾಮಧೇನುವಾಗಿದೆಯೆಂದರೆ ತಪ್ಪಾಗಲಿಕ್ಕಿಲ್ಲ. ವಿಶ್ವವಿದ್ಯಾಲಯವು ಸೇವಾ ಮನೋಧರ್ಮ ಹಾಗೂ ಬಳಕೆ ಸ್ನೇಹಿ ವಾತಾವರಣವನ್ನು ಕಲ್ಪಿಸಿಕೊಟ್ಟಿದೆ. ಮಾಹಿತಿ ತಂತ್ರಜ್ಞಾನದ ಹೊಸ ಮನ್ವಂತರದ ಎಲ್ಲಾ ಸವಾಲುಗಳನ್ನು ಸ್ವೀಕರಿಸಿ, ಜನಸ್ನೇಹಿ ಉಪಕ್ರಮಗಳನ್ನು ಗ್ರಂಥಾಲಯ ವಿಭಾಗವು ಶೈಕ್ಷಣಿಕ ವಾತಾವರಣಕ್ಕೆ ಪೂರಕವಾಗಿ ವಿಶ್ವವಿದ್ಯಾಲಯದಲ್ಲಿ ಸೇವೆ ನೀಡುತ್ತಿದೆ.

ಜಾಗತಿಕ ಮಟ್ಟದಲ್ಲಿ ಅಭಿವೃದ್ಧಿ ಹೊಂದಿದ ದೇಶಗಳು ವೈಜ್ಞಾನಿಕ ಹಾಗೂ ತಾಂತ್ರಿಕ ಕ್ಷೇತ್ರಗಳಲ್ಲಿ ಸಾಧಿಸಿದ ಪ್ರಗತಿಗೆ ಮೂಲ ಕಾರಣವೆಂದರೆ, ಆ ದೇಶದಲ್ಲಿರುವ ವಿಜ್ಞಾನಿಗಳಿಗೆ, ಸಂಶೋಧಕರಿಗೆ ಹಾಗೂ ತಾಂತ್ರಿಕ ನಿಪುಣರಿಗೆ ಸರಿಯಾದ ಮಾಹಿತಿಯು ಸಕಾಲದಲ್ಲಿ ಒದಗಿಸುವುದೆಂದರೆ ಅದು ಅತಿಶಯೋಕ್ತಿಯಾಗಲಾರದು. ಇಂತಹ ಮಾಹಿತಿಯನ್ನು ಸಕಾಲದಲ್ಲಿ ಒದಗಿಸುವ ಕಾರ್ಯವನ್ನು ಗ್ರಂಥಾಲಯವು ನಿರಂತರವಾಗಿ ಮಾಡುತ್ತದೆ.

ಪುಸ್ತಕ ಸಂಗ್ರಹ :

ಗ್ರಂಥಾಲಯದಲ್ಲಿ ಒಟ್ಟು 47465 ಪುಸ್ತಕಗಳ ಸಂಗ್ರಹವಿದೆ. 2010 ರಲ್ಲಿ ಸ್ನಾತಕೋತ್ತರ ಕೇಂದ್ರವಾಗಿದ್ದಾಗ ಕೇವಲ 19375 ಪುಸ್ತಕಗಳಿದ್ದು, ಸಾಕಷ್ಟು ಕಡಿಮೆ ಅವಧಿಯಲ್ಲಿ ಸುಮರು 28080 ಪುಸ್ತಕಗಳು ಹೊಸದಾಗಿ ಗ್ರಂಥಾಲಯಕ್ಕೆ ಸೇರ್ಪಡೆಗೊಂಡಿರುತ್ತವೆ. ಎಲ್ಲಾ ವಿಭಾಗಗಳಿಗೆ ಸಂಬಂಧಿಸಿದ ಸುಮಾರು 115 ನಿಯತಕಾಲಿಕೆಗಳನ್ನು ಗ್ರಂಥಾಲಯಕ್ಕೆ ತರಿಸಲಾಗುತ್ತಿದೆ. ಗ್ರಂಥಾಲಯಕ್ಕೆ ಒಟ್ಟು 18 ವೃತ್ತಪತ್ರಿಕೆಗಳು ಹಾಗೂ 30 ಮ್ಯಾಗಝಿನ್‍ಗಳು ಗ್ರಂಥಾಲಯದ ಓದುಗರಿಗೆ ಸದಾ ಲಭ್ಯವಿರುತ್ತವೆ.

ಗ್ರಂಥಾಲಯದ ಕಾರ್ಯ ಸ್ವರೂಪ:

ಗ್ರಂಥಾಲಯವು ಸಾರ್ವಜನಿಕ ರಜಾ ದಿನಗಳನ್ನು ಹೊರತುಪಡಿಸಿ ವರ್ಷಪೂರ್ತಿ ಬೆಳಗ್ಗೆ 9.00 ರಿಂದ ಸಾಯಂಕಾಲ 7.00 ಗಂಟೆಯ ವರೆಗೆ ತೆರೆದಿರುತ್ತದೆ ಮತ್ತು ಪರೀಕ್ಷಾ ಅವಧಿಗಳಲ್ಲಿ ವಿದ್ಯಾರ್ಥಿಗಳ ಕೋರಿಕೆಗನುಸಾರ ಸಮಯವನ್ನು ವಿಸ್ತರಿಸಲಾಗುತ್ತದೆ.

ಗ್ರಂಥಾಲಯ ಸೇವೆಗಳು :

1. ಪುಸ್ತಕಗಳ ಎರವಲು ಸೇವೆ.
2. ಸಂದರ್ಭ ಸೇವೆ.
3. ಪ್ರಚಲಿತ ಮಾಹಿತಿ ಸೇವೆ.
4. ಮಾಹಿತಿಯ ಬಗ್ಗೆ ನಿರ್ದೇಶನ ಸೇವೆ.
5. ಹೊಸ ಪುಸ್ತಕಗಳ ಪರಿಚಯ ಸೇವೆ.
6. ವೃತ್ತ ಪತ್ರಿಕೆಗಳ ಸೇವೆ.
7. ನಿಯತಕಾಲಿಕೆಗಳ ಸೇವೆ.
8. ಪತ್ರಿಕಾ ಕ್ಲಿಪ್ಪಿಂಗ ಸೇವೆ.
9. ಝೆರಾಕ್ಸ್ ಸೇವೆ.
10. ಹಳೆಯ ಪ್ರಶ್ನೆ ಪತ್ರಿಕೆಗಳ ಸೌಲಭ್ಯ.
11. ಪುಸ್ತಕ ಭಂಡಾರ ಸೇವೆ.

Page OPAC Under Construction

Print Journals: 

LIST OF JOURNALS 

e-Journals /e-books, Electronic Theses, Dissertations, Synopsis(Open sources)

Open Sources: 

ØRepositories 

Contact :

Mr. Bhavanishankar

University Library

Rani Channamma University

Belagavi.

Email: librarian @rcub.ac.in, rculibrary@gmail.com

Ph : 0831-2565216